दारुड्या चालकाला नागरिकानी बसून ठेवले
माधव पवार
नांदेड ते हैद्राबाद राज्य महामार्गावर असलेल्या मौजे घुंगराळा येथील छोटू साहेब हॉटेल जवळील असलेल्या बस स्टैंड वर नायगाव कडून नांदेड कडे जाणाऱ्या एका ट्रकने जाग्यावर लावून असलेल्या पाच ते सहा मोटर सायकलला उडवल्याची घटना दिनांक ३१ मे दोन हजार बावीस रोजी घुंगराळा येथे दुपारी ३ वाजून ३० मिनिटांनी घडली असून या सदरच्या घटनेत कसल्यास प्रकारची कोणती ही जीवित हानी झाली नसल्याचे वृत्त असून सदरचा ट्रक चालक हा तळीरामाच्या वेशात म्हणजे देशी दारूच्या नशेत असल्यामुळे ही सदरची घटना घडली असून या चालकास नागरिकांनी काही काळ बसवून ठेवले आणि नंतर सोडून दिले आहे
तालुक्यातील कुंटूर पोलिस ठाण्याच्या अंतर्गत असलेल्या घुंगराळा येथील बस स्टँडच्या साईडला एका झाडाखाली मोटर सायकली लावून काही जण हॉटेल मध्ये चहा पाणी करण्यासाठी गेले होते परंतु नायगाव कडून नांदेड कडे जाणारा ट्रक क्रमांक एम एच सव्वीस ८७९७ जात असताना रोडच्या बाजूला लावलेल्या सहा मोटर सायकल मागून धडक दिली परंतु सुदैवाने कसल्याच प्रकारची जीवित हानी झाली नसल्यामुळे मोठा अनर्थ टळला असे नागरिकांनी सांगितले असून सदरचा ट्रक चालक देशी दारूच्या नशेत असलेल्याचें दिसून आले आहे
